نواب ألاباما مو أحسن من نوابنا

storiesfightvid.jpg

يا أخي احنا يالكويتيين نموت على التحلطم.. خصوصا على نوابنا و حكومتنا !

كل ما شدوا النواب شوي قامت القيامة و سووها الناس -والصحافة- إن خلاص.. بينحل المجلس و بتخترب الديرة !

يا أخي خل يتهاوشون.. شفيها يعني ، هذي أمريكا أم الديمقراطية.. شوفوا نوابهم شيسوون :

http://www.youtube.com/watch?v=hZPonL_aSk4

سالفة هالفيديو إن هذيل نائبين من ولاية ألاباما قاعدين يتناقشون بمادري أي قضية ، أشتد النقاش….جان واحد منهم (الجمهوري) يقول حق الثاني “يا ابن الـ [طوووط]!”.. الثاني (الديمقراطي) عاد حمقي و ما يرضى أحد يغلط على أمه.. فقام و عطاه بوكس 👿

فيعني عادي.. هالسوالف تحصل 🙂

تيك إت إيزي و بسكم تحلطم و سلبية 😛

10 تعليقات على “نواب ألاباما مو أحسن من نوابنا”

  1. و أخيراً بوست يديد

    يوتيوب ما أدري اشفيه اليوم ما يفتح عندي

    انا أقول خلي يتكافخون بس يطلع منهم شي زين

    و بعدين وناسة و طماشة
    live entertainment 😀

  2. هههههه 😀

    والله حمق و زمجر و صكه بوكس مضبوط ..

    لا يبا خلنا على مينونا لا يصير شي في الديرة !!

  3. والله طريقه كلامه كأنه واحد من ربعنا لين عصب وتكلم احد علي امه
    اهم مو احسن حال منا ولا شي
    ولا اروبا ولا الدول المتقدمه
    اعلامهم يجمل صورهم ويخليهم دول ما لها مثيل

  4. kuw_son…

    ايه… شكله ألابامي أصلي

    😛

    layal..

    كل مكان فيه الزين و الشين ، و فيه الطيب و العاقل و الحار و الحمقي ، يعني ماكو أحد أحسن من أحد 🙂

  5. أنا مالي شغل لا بالعصيمي و لا بغيره…

    أصل أنا ما بحبش الكلام بالسياسة 🙄

    (كل هذا و ما بحبش :mrgreen: )

  6. قبل يومين تقريبا شفت الخبر في برنامج The View على MBC

    لكن بعد ما حطوا اللقطة هذي على طول بدؤوا يعرضون عشرات اللقطات من هوشات عنيفة في برلمانات ثانية حول العالم وقعدوا ساعة يتكلمون عن ان شلون اهم ما وصلوا هذا المستوى وانهم احسن من غيرهم وبعدين حطوا لقاء صغير مع النائب اللي وجه اللكمة إلى زميله وقال فيه بانه متحسف على اللي سواه وانه انفعل وما قدر يفكر بصورة سليمة.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *