يا زين الكويتيين :)كلما التقيت بصديق أو قريب يسألني عن رأيي ببرودة جو الكويت ، “شلونكم مع برد الكويت؟” .. أمس فقط سئلت هذا السؤال مرتين أو ثلاث :grin:و عندما تستفسر عن سر هذا السؤال أو عندما تجيب بأن البرد هو البرد يقول لك : “لا… بالكويت بردنا ناشف… يدش بالعظم!”
Well..
لكن احنا عيايره ! يعني كل ما نزلت الحرارة إلى ما تحت العشر درجات تلحفنا و تمتمنا بكلمات مثل : “ذبحنا البرد!” و “ بل بل بل… سحتني!” ، و لكن في قرارة أنفسنا نشعر بغاية السعادة لهذه البرودة القارصة… لا و نتشيحط فيها على اللي ما عندهم برد (و أحيانا حتى على اللي عندهم .. لكنه مو “ناشف“) .
Well..
من واقع التجربة.. أؤكد هنا و من هذا المنبر بأن البرد هو البرد… ماكو فرق بين برد ناشف و برد رصاص 😛
بل على العكس ، عندما تسير بالشارع و تضرب وجهك قطـَـيرات الرطوبة و تتبعها هبات الرياح المتجمدة فإنك ستشعر و كأن آلاف الأبر الدقيقة تنغرس على سطح وجهك ! يعني مو شي !!
لكن احنا عيايره ! يعني كل ما نزلت الحرارة إلى ما تحت العشر درجات تلحفنا و تمتمنا بكلمات مثل : “ذبحنا البرد!” و “ بل بل بل… سحتني!” ، و لكن في قرارة أنفسنا نشعر بغاية السعادة لهذه البرودة القارصة… لا و نتشيحط فيها على اللي ما عندهم برد (و أحيانا حتى على اللي عندهم .. لكنه مو “ناشف“) .
و طبعا عاداتنا الكويتية ما تسمحنا إن نفرح باللي عندنا ، لازم نتحلطم مع البرد و نقول : “عاد على هالبرد قول يطق مطر؟!” 😀
يا زينكم يالكويتيين 🙂
لاتنسى إن الربع هني طرق هالدشداشة و المكسر ويبون يدفون بعد 🙂
بهاذي صدقت 😀
أمس كان الجاكيت معاي بس استحيت البسه فوق الدشداشة
أحلى شي البرد .. هني أحلل الملابس الشتوية .. جينزات و جاكيت و لفة و كبوس .. شغل عدل .. يقولك الدشداشة الشتوية ما أعرفها إلا وقت الدوام أو المناسبات الرسمية
يا زين البرد
إي والله..
احنا قالولنا ترى برد بالكويت.. ييبوا هدوم ثقال !
أنا نص اللي يايبه ما لبسته بما في ذالك جاكيت يمكن ماخذ وزن كيلو و شوي بالجنطه
لذلك أرحب بالبرد و بشدة 🙂
بو دانة.. بس بردنا غير.. ناشف ويدش العظم صدقني
🙂
على طاري الدشداشة والله اليوم رحت الدوام وانا لابس جينز ومعاه البالطو الزين اللي ينحش البرد واللي مو عاجبه شكلي كيفه.. لاني ما اقدر اقتنع ان الدشداشة تدفي لو شنو كان خامها ثقيل
مو عظم هذا.. بطل ماي اللي يدشه البرد
😛
اذا تبي تتدفى بالدشداشة فأنصحك بالثيرمال اندروير ، ممتاز وقت شدة البرد
طبعاً أنا كنت واحد من الثلاثة اللي سألوك هالسؤال :P`
بس يظل سحتني و صقعبي و مصوقل بعد
انت ما قصرت 😛
بس ليلتها كنت رايح عرس… صرت مسجلة الله وكيلك ، كل خطوتين انسئل نفس الأسئلة و ارد أجاوبهم
😀
Thank you Thank you Thank you. For long I’ve been saying this. We keep complaining from HOT WEATHER, and yet people dress up like they’re in South Pole or Eskimo after first tiny blow of wind. I always tell them no wonder we have no snow…
Cold is fun.. ENJOY IT!
It’s good to have fun no matter what the weather is like 🙂